বৈদেশিক পৰিক্ৰমা মন্ত্ৰী ড০ এছ জয়শংকৰে আজি নতুন দিল্লীত গ্লোবেল ছাউথৰ অন্তৰ্গত দেশসমূহৰ জৈৱ সুৰক্ষা শক্তিশালী কৰাৰ বাবে জৈৱিক অস্ত্ৰ অভিৱৰ্তনৰ ৫০ সংখ্যক বর্ষপূর্তি উপলক্ষে আয়োজিত অনুষ্ঠানত অংশগ্ৰহণ কৰে। সামাজিক মাধ্যমৰ এটা বাৰ্তাত শ্ৰীজয়শংকৰে কয় যে এই সন্মিলনত কমেও ৮০খন দেশৰ বিভিন্ন ক্ষেত্ৰৰ বিশেষজ্ঞ, পণ্ডিত আৰু প্ৰতিনিধিসকলে জৈৱিক অস্ত্ৰ সম্পৰ্কীয় অভিৱৰ্তনৰ আধুনিকীকৰণ সন্দৰ্ভত মত প্ৰকাশ কৰিছে। তেওঁ কয় যে আন্তঃৰাষ্ট্ৰীয় নিৰাপত্তাৰ ক্ষেত্ৰত মাজে সময়ে দেখা দিয়া শংকা আৰু জীৱ বিজ্ঞানৰ উদ্ভাৱনসমূহৰ অপব্যৱহাৰৰ মাজত ভাৰসাম্য ৰখাৰ বাবে অভিৱৰ্তনৰ আয়োজন কৰা হৈছে। তেওঁ লগতে আন্তঃৰাষ্ট্ৰীয় সহযোগিতা অত্যন্ত গুৰুত্বপূৰ্ণ বুলি উল্লেখ কৰে। মন্ত্ৰীগৰাকীয়ে সম্প্ৰতি জৈৱিক ক্ষেত্ৰত বিশ্বজুৰি সৃষ্টি হোৱা ভাবুকিৰ বিষয়ে উল্লেখ কৰি এই ক্ষেত্ৰত ৰাষ্ট্ৰীয় পৰিকাঠামো ৰূপায়ণৰ বাবে ভাৰতে আগবঢ়োৱা প্ৰস্তাৱ কথা উল্লেখ কৰে ৷