কেন্দ্ৰীয় পথ পৰিবহণ আৰু ঘাইপথ মন্ত্রণালয়ে পৰৱৰ্তী ১৫ দিনৰ ভিতৰত সমগ্ৰ দেশতে টোলগে’ট ব্যৱস্থাৰ পৰিৱৰ্তে নতুন জি এন এছ এছ ব্যৱস্থা প্ৰৱৰ্তনৰ সিদ্ধান্ত লৈছে। গ্লোবেল নেভিগেশ্বন ছেটেলাইট ছিষ্টেমৰ অধীনত যান-বাহনসমূহত এটা যতন সংযোগ কৰিব লাগিব আৰু এই যতনৰ পৰাই উপগ্ৰহৰ জৰিয়তে সংশ্লিষ্ট যান-বাহনৰ অৱস্থিতি ঠাৱৰ কৰা হ’ব। এই নতুন ব্যৱস্থাত কোনো এখন যান-বাহন টোলযুক্ত ৰাষ্ট্ৰীয় ঘাইপথেৰে ২০ কিলোমিটাৰ অতিক্ৰম কৰাৰ পাছতেই টোল ভৰিব লাগিব। এই নতুন ব্যৱস্থা প্ৰৱৰ্তনৰ পাছত টোলগে’টত যান-বাহনৰ সময় অপচয় কিছু হ্ৰাস পাব বুলি আশা কৰা হৈছে।