শেহতীয়াকৈ ইণ্ডিগো বিমানসমূহ উৰণত বিলম্ব তথা বাতিল হৈ থকাৰ পৰিপ্ৰেক্ষিতত দিল্লী বিমান বন্দৰ কর্তৃপক্ষই যাত্রীসকলক বিমান বন্দৰলৈ ৰাওনা হোৱাৰ পূৰ্বে বিমানৰ শেহতীয়া স্থিতি সম্পর্কে জানি ল’বলৈ পৰামৰ্শ দিছে। এই সন্দর্ভত প্রকাশিত এটা নির্দেশনাৰ জৰিয়তে দিল্লী বিমান বন্দৰ কর্তৃপক্ষই কয়, যে এই বিলম্ব তথা উৰণ বাতিল হোৱাৰ সমস্যা সমাধান কৰি যাত্ৰীসকলৰ যাতায়তৰ সূচলতা সুনিশ্চিত কৰাৰ উদ্দেশ্যে সকলো পক্ষৰ সৈতে আলোচনা অব্যাহত আছে। কর্তৃপক্ষই বিমান বন্দৰৰ কৰ্মচাৰীসকল যাত্ৰীসকলৰ সহায়ৰ বাবে সদা প্রস্তুত হৈ থকা বুলিও প্রকাশ কৰে।