দিল্লীৰ উপ-ৰাজ্যপাল ভি কে ছাক্সেনাই এটা কোচিং চেণ্টাৰৰ তলৰ মহলাত পানী জমা হোৱাৰ ফলত তিনিজন আৰু বিদ্যুৎ পৃষ্ট হৈ এজন প্ৰশিক্ষাৰ্থীৰ মৃত্যুত দুখ প্ৰকাশ কৰিছে। সামাজিক মাধ্যমৰ এটা পোষ্ট যোগে দেশৰ ৰাজধানীত হোৱা এনে ঘটনাক তেওঁ দুৰ্ভাগ্যজনক আৰু অগ্রহণযোগ্য বুলি অভিহিত কৰে। তেওঁ সংমণ্ডল আয়ুক্তক মঙলবাৰৰ ভিতৰত এই কৰুণ ঘটনাৰ প্ৰতিটো দিশ সামৰি এখন প্ৰতিবেদন দাখিল কৰিবলৈ কয়। তেওঁ লগতে এই মৃত্যুৰ বাবে দায়ীসকলৰ বিৰুদ্ধে গোচৰ ৰুজু কৰা হ’ব বুলিও জানিবলৈ দিয়ে। তেওঁ কয় এই ঘটনাসমূহে সংশ্লিষ্ট সংস্থা আৰু বিভাগসমূহৰ মৌলিক ৰক্ষণা-বেক্ষণ তথা প্ৰশাসনৰ প্ৰতি অবহেলা আৰু বিফলতাৰ দিশসমূহ উদঙাই দিয়ে। তেওঁ অভিযোগ কৰে যে, বিগত কেইদশকমানৰ ভিতৰত দিল্লীৰ নলা-নৰ্দমাৰ ব্যৱস্থা আৰু ইয়াৰ সৈতে জড়িত আন্তঃগাঁথনি চকুত লগা ধৰণে দুৰ্বল হৈ পৰিছে। তেওঁ লগতে কয় যে, কোচিং চেণ্টাৰসমূহৰ ভূমিকা অতিকৈ চিন্তনীয় আৰু ইয়াৰ মালিকসকলে ছাত্ৰ-ছাত্ৰীসকলৰ মৌলিক সুৰক্ষা সুনিশ্চিত নকৰে।