সমাগত সাধাৰণ বাজেটৰ পূৰ্বে আজি বিত্তমন্ত্রী নিৰ্মলা সীতাৰমণে নতুন দিল্লীত কৃষক সংগঠনৰ প্রতিনিধি আৰু কৃষি অর্থনীতিবিদসকলৰ সৈতে বাজেটৰ প্ৰাৰম্ভিক আলোচনাত মিলিত হয়। বৈঠকত বিত্ত ৰাজ্যিক মন্ত্রী পংকজ চৌধাৰী, বিত্ত সচিব টি ভি সোমনাথন, মুখ্য অর্থনৈতিক উপদেষ্টা ভি অনন্থ নাগেশ্বৰন, অৰ্থনৈতিক পৰিক্ৰমা বিভাগৰ সচিব আৰু কৃষি মন্ত্ৰালয়ৰ জ্যেষ্ঠ বিষয়াসকল উপস্থিত থাকে। ইয়াৰ পূৰ্বে বিত্তমন্ত্ৰীগৰাকীয়ে উদ্যোগৰ গৰাকী আৰু সংগঠনসমূহৰ লগতে আগশাৰীৰ অর্থনীতিবিদসকলৰ সৈতে বাজেট সন্দৰ্ভত বৈঠকত মিলিত হৈছিল।