শ্ৰীলংকাৰ উপকূলত সৃষ্টি হোৱা ঘূৰ্ণীবতাহ দিটৱা ঘণ্টাত ৭ কিলোমিটাৰ বেগেৰে বিগত ৬ ঘন্টাত উত্তৰ-পশ্চিম দিশলৈ গতি কৰিছে। ভাৰতৰ সবাতোকৈ ওচৰৰ সামুদ্রিক প্রতিবেশী দেশ শ্রীলংকা এই পর্যন্ত যথেষ্ট ক্ষতিৰ সন্মুখীন হৈছে। বতৰ বিজ্ঞান বিভাগৰ শেহতীয়া প্রতিবেদন অনুসৰি শ্ৰীলংকাৰ পৰা প্ৰায় ৪০ কিলোমিটাৰ পশ্চিমে এই ঘূৰ্ণীবতাহৰ উৎপত্তি হৈছে। এই উৎপত্তিস্থল কৰাইকলৰ পৰা ২৭০ কিলোমিটাৰ দক্ষিণ- পূব, পুডুচেৰীৰ পৰা ৩৮০ কিলোমিটাৰ আৰু চেন্নাইৰ পৰা ৪৯০ কিলোমিটাৰ দক্ষিণে অৱস্থিত। ঘূর্ণীবতাহজাকে কাইলৈ পুৱা শ্ৰীলংকাৰ উত্তৰ-পশ্চিম দিশে গতি কৰি উত্তৰ তামিলনাডু আৰু অন্ধ্ৰপ্ৰদেশৰ দক্ষিণ-পশ্চিম বংগ উপসাগৰ স্পৰ্শ কৰাৰ সম্ভাৱনা আছে। দিত্ৰাহৰ প্ৰভাৱত কালি সন্ধিয়াৰ পৰা ৰাজ্যখনৰ বদ্বীপ অঞ্চলসমূহত বৰষুণ দি আছে। ঘূৰ্ণীবতাহৰ ফলত চেন্নাই আৰু শ্ৰীলংকাৰ মাজত বিমান সেৱাও প্ৰভাৱিত হৈছে। বিমান উৰণত পলম হৈছে, পুনৰ পথ নিৰ্ধাৰণ কৰা হৈছে বা বিমানৰ উৰণ বাতিল কৰা হৈছে। দেওবাৰলৈকে তামিলনাডুৰ উপকূলৰ কোনো কোনো অঞ্চলত ঘণ্টাত ৭০ৰ পৰা ৮০ কিলোমিটাৰ পৰ্যন্ত বতাহৰ সম্ভাৱনা থকাৰ বাবে উপকূলীয় অঞ্চলসমূহত সতর্কবাণী জাৰি কৰা হৈছে।