ত্রিবেণী ৰয়ৰ শ্বেপ অব্ ম’ম’ নামৰ চলচ্চিত্ৰখনক বুছান আন্তঃৰাষ্ট্ৰীয় চলচ্চিত্ৰ মহোৎসৱত ভিজন ছেক্সনৰ বাবে আনুষ্ঠানিকভাৱে বাছনি কৰা হৈছে। দক্ষিণ কোৰিয়াৰ বুছান চহৰত প্ৰতিবছৰে অনুষ্ঠিত এই চলচ্চিত্ৰ মহোৎসৱ এছিয়াৰ আটাইতকৈ সন্মানীয় আৰু প্ৰসিদ্ধ মহোৎসৱ বুলি গণ্য কৰা হয়। এছিয়াৰ চলচ্চিত্ৰসমূহক বিশ্ব প্রেক্ষাপটলৈ লৈ যোৱাই এই চলচ্চিত্ৰ মহোৎসৱৰ মূল উদ্দেশ্য। এই মহোৎসৱৰ ভিজন ছেক্সনত এছিয়াৰ উদীয়মান আৰু কিছু পৰিমাণে অভিজ্ঞ তথা সাহসী আৰু মৌলিক কাহিনী প্ৰদৰ্শন কৰা হয়। ত্রিবেণী ৰায়ৰ প্ৰথম চলচ্চিত্ৰ শ্বেপ অব্ ম’ম’ক ছেন ছেবেষ্টিয়ান আন্তঃৰাষ্ট্ৰীয় চলচ্চিত্ৰ মহোৎসৱত যোৱা ছেপ্তেম্বৰত প্ৰদৰ্শন কৰা হৈছিল।