তামুলপুৰৰ জিলা স্বাস্থ্য সমিতিৰ উদ্যোগত আৰু জিলা প্ৰশাসনৰ সহযোগত তামুলপুৰৰ শ্ৰীমন্ত শংকৰদেৱ ৰাজহুৱা প্ৰেক্ষাগৃহত আজি বিধানসভা ভিত্তিত আয়োজিত সমাগত মেগা স্বাস্থ্য শিবিৰ সন্দৰ্ভত জিলা পৰ্যায়ৰ কৰ্মশালা অনুষ্ঠিত হয়। জিলা আয়ুক্ত পংকজ চক্ৰৱৰ্তীৰ অধ্যক্ষতাত অনুষ্ঠিত কর্মশালাখনিত আয়ুক্তগৰাকীয়ে স্বাস্থ্য মেলাখন সফল কৰি তুলিবলৈ স্বাস্থ্য বিভাগৰ লগতে সকলো বিভাগৰে সহযোগিতা কামনা কৰে। উল্লেখযোগ্য যে ২২ অক্টোবৰত তামুলপুৰ বিধানসভা সমষ্টিৰ বাবে তামুলপুৰ মহাবিদ্যালয় আৰু ২৭ অক্টোবৰত গোৰেশ্বৰ বিধানসভা সমষ্টিৰ বাবে গোৰেশ্বৰ উচ্চ মধ্যমিক বিদ্যালয়ত এই মেগা স্বাস্থ্য মেলা অনুষ্ঠিত হব। মেগা স্বাস্থ্য মেলাত জিলাখনৰ প্ৰায় ৪ হাজাৰ ১৮ বছৰ অনুৰ্ধৰ শিক্ষাৰ্থী তথা ৰোগীক চিকিৎ‍সা আগবঢ়োৱাৰ বাবে লক্ষ্য স্থিৰ কৰা হৈছে।