■ নর্থ ইষ্ট ইউনাইটেড ফুটবল ক্লাবে ডুৰাণ্ড কাপ ফুটবল প্রতিযোগিতাত পুনৰ খিতাপ জয় কৰি দ্বিতীয়বাৰৰ বাবে এই প্ৰতিযোগিতাৰ ছেম্পিয়ন হোৱাৰ গৌৰৱ অৰ্জন কৰিছে। কলকাতাৰ ছৰ্ট লেক যুৱ ভাৰতী ক্রীড়াংগনত অনুষ্ঠিত ফাইনেলত কালি দলটোৱে ডায়মণ্ড হাৰ্বাৰ ফুটবল ক্লাবক ৬–১ গ’লত পৰাস্ত কৰে। খেলৰ প্ৰথমাৰ্ধত নর্থ ইষ্ট ইউনাইটেডে দুটা গ’ল দি বিপক্ষক চাপত ৰাখিবলৈ সমৰ্থ হয়। ইয়াৰ পাছতে ৫০, ৬৮, ৮১ আৰু ৮৬ মিনিটত দলটোৱে বাকী গ’লকেইটা দিবলৈ সমৰ্থ হয়। ইয়াৰ মাজতে ৬৮ মিনিটত ডায়মণ্ড হাৰ্বাৰ দলে প্রথম আৰু একমাত্ৰ গ’লটো দিয়ে। নর্থ ইষ্ট ইউনাইটেড ফুটবল ক্লাবৰ হৈ আচিৰ আখটাৰ, পাৰ্থিৱ গগৈ, থৈ সিং, আজাৰাই, এণ্ড্ৰেছ য’ছ, জাইৰ’ বুস্তাৰাই গ’ল দিয়ে। ডায়মণ্ড হাৰ্বাৰৰ হৈ লুকা মাইছেনে একমাত্র গ’লটো দিয়ে। প্রতিযোগিতাত ৮ টা গ’ল দিয়া আজাৰাই গল্ডেন ব’ল আৰু গল্ডেন বুট লাভ কৰে। নৰ্থ ইষ্ট ইউনাইটেডৰ গুৰমিতক শ্ৰেষ্ঠ গ’লৰক্ষকৰ সন্মান দিয়া হয়।