প্রধানমন্ত্ৰী নৰেন্দ্ৰ মোদীৰ সক্রিয় শাসন আৰু যিকোনো আঁচনি সময়মতে ৰূপায়ণৰ অন্যতম ব্যৱস্থা প্ৰগতি শীর্ষক ডিজিটেল প্রশাসন মঞ্চই মুখ্য কল্যাণকামী আঁচনি আৰু প্ৰকল্পসমূহৰ ৰূপায়ণ বৃদ্ধি কৰিছে। প্ৰগতি পদ্ধতি সন্দৰ্ভত নতুন দিল্লীত কালি সাংবাদিকৰ আগত কেবিনেট সচিব টি বি সোমনাথনে এই কথা প্ৰকাশ কৰি কয়, যে প্ৰগতিৰ বিষয়ত বৰ্তমানলৈকে ৫০ খন বৈঠক অনুষ্ঠিত হৈছে আৰু ইয়াৰ অধীনত ৮৫ লাখ কোটি টকা ব্যয় সাপেক্ষ ৩ হাজাৰ ৩০০ কোটিটা প্ৰকল্পৰ পৰ্যালোচনা কৰা হৈছে। অন্যান্য প্রকল্পসমূহৰ উপৰি এখন ৰাষ্ট্ৰ এখন ৰেচন কাৰ্ড আৰু প্ৰধানমন্ত্ৰী জন আৰোগ্য যোজনাকে ধৰি ৬১ খন চৰকাৰী আঁচনিৰো পৰ্যালোচনা কৰা হৈছে বুলি শ্রীসোমনাথনে জানিবলৈ দিয়ে। তেওঁ কয়, যে ২০১৫ চনত প্ৰগতি ৰূপায়ণৰ পৰা বৰ্তমানলৈকে কৰোণা, বেংক আৰু বীমা, জনধন যোজনাকে ধৰি ৩৬টা বিভিন্ন শাখাত অভিযোগৰ পৰ্যালোচনা কৰা হৈছে।