November 29, 2025 1:21 PM | National Film festival

printer

জ্যেতি চিত্রবনত আজি আৰু কাইলৈ দুদিনীয়া কাৰ্যসূচীৰে ৰাষ্ট্ৰীয় চলচ্চিত্র মহোৎসৱৰ আয়োজন

গুৱাহাটীৰ কাহিলিপাৰাস্থিত জ্যেতি চিত্রবনত আজি আৰু কাইলৈ দুদিনীয়া কাৰ্যসূচীৰে ৰাষ্ট্ৰীয় চলচ্চিত্র মহোৎসৱ অনুষ্ঠিত হ’ব। ২০১৭ চনৰ পৰা প্ৰতি বছৰে উত্তৰ-পূব ভাৰতৰ আগশাৰীৰ সাংস্কৃতিক অনুষ্ঠান তথা বিশ্ব সংবাদ কেন্দ্ৰৰ সহযোগী চলচ্চিত্র ৰাষ্ট্ৰীয় চুটি ছবি আৰু তথ্য চিত্র মহোৎসৱ অনুষ্ঠিত কৰি আহিছে। এইবাৰৰ মহোৎসৱৰ মূল বিষয় হৈছে- আমাৰ ঐতিহ্য আমাৰ গৌৰৱ। উত্তৰ-পূৰ্বাঞ্চলৰ চলচ্চিত্ৰ নিৰ্মাতাসকলৰ মাজত এই মহোৎসৱৰ প্ৰতিযোগিতা সীমাবদ্ধ থাকিব। মহোৎসৱত ৩০ খন চুটি ছবি আৰু তথ্য চিত্র প্রদর্শন কৰা হ’ব। ভাৰত বালাৰ অহম ভৰতম উদ্বোধনী আৰু পীযুষ ঠাকুৰৰ দ্যা ফার্স্ট ফিল্ম সামৰণি ছবি হিচাপে প্রদর্শিত হ’ব। প্ৰাণৰ শিল্পী জুবিন গাৰ্গৰ প্রতি শ্রদ্ধাঞ্জলি জ্ঞাপন কৰি মন যায় ছবিখনৰো বিশেষ প্ৰদৰ্শনৰ ব্যৱস্থা গ্ৰহণ কৰা হৈছে। বিশিষ্ট সমাজসেৱক ড° সুনীল মহান্তিয়ে আজি কিছুসময় পাছত এই মহোৎসৱৰ উদ্বোধন কৰিব। সামৰণি অনুষ্ঠানত ৰাজ্য বিধানসভাৰ অধ্যক্ষ বিশ্বজিৎ দৈমাৰী, বিশিষ্ট অভিনেতা প্রাঞ্জল শইকীয়াৰ লগতে ভালেমান গণ্যমান্য লোক উপস্থিত থাকিব। মহোৎসৱত ড০ ভূপেন হাজৰিকাৰ জন্ম শতবার্ষিকী উপলক্ষে বিশেষ শ্রদ্ধাঞ্জলিৰো আয়োজন কৰা হৈছে।