জুৰীয়াৰ দগাঁও আৰক্ষীয়ে নিষিদ্ধ ড্ৰাগছৰ বিৰুদ্ধে অভিযান চলাই চাৰিটাকৈ সৰবৰাহকাৰীক আটক কৰিবলৈ সমৰ্থ হৈছে। আৰক্ষীয়ে গোপন সূত্ৰৰ পম খেদি জুৰীয়াৰ কাঙ্গুলীমাৰী কটকী গাঁও আৰু পশ্চিম মুকুন্দআটি গাঁৱত অভিযান চলাই এই সৰবৰাহকাৰীকেইটাক গ্ৰেপ্তাৰ কৰে। ধৃত সৰবৰাহকাৰীকেইটা ছাদ্দাম হুছেইন, আনারুল ইছলাম, আবুল হুছেইন আৰু বুলবুল হুছেইন বুলি চিনাক্ত কৰা হৈছে। অভিযানৰ সময়ত ৫.২৫ গ্রাম ড্ৰাগছ জব্দ কৰা হয়। আৰক্ষীয়ে আটক কৰা সৰবৰাহকাৰীকেইটাক জেৰা কৰি আছে।