জুবিন গাৰ্গৰ ৰহস্যজনক মৃত্যুৰ গোচৰত গ্ৰেপ্তাৰ হোৱা পাঁচজন অভিযুক্তৰ জামিন আবেদন সন্দৰ্ভত আজি কামৰূপ মহানগৰ জিলা আৰু ছেচন ন্যায়াধীশৰ আদালতত শুনানি গ্ৰহণ কৰা হ’ব। জ্যেষ্ঠ অধিবক্তা জিয়াউল কামাৰৰ নেতৃত্বত ৰাজ্য চৰকাৰে গঠন কৰা পাঁচজনীয়া বিশেষ লোক অধিবক্তাৰ দলে আজি এই অভিযুক্তসকলৰ জামিনৰ বিৰোধিতাৰে আদালতত লিখিত আবেদন দাখিল কৰাৰ সম্ভাৱনা আছে। উল্লেখযোগ্য যে ছিংগাপুৰত শিল্পীগৰাকীৰ ৰহস্যজনক মৃত্যু সম্পৰ্কীয় গোচৰত অসম আৰক্ষীৰ বিশেষ তদন্তকাৰী গোটে ৭ জন অভিযুক্তক গ্ৰেপ্তাৰ কৰিছিল। বৰ্তমান বাক্সা জিলা কাৰাগাৰ আৰু হাফলং উপ-কাৰাগাৰত থকা এই অভিযুক্তকেইজনৰ ভিতৰত শ্যামকানু মহন্ত,
সন্দীপন গার্গ, অমৃতপ্রভা মহন্ত, পৰেশ বৈশ্য আৰু নন্দেশ্বৰ বৰাই আদালতত জামিন আবেদন দাখিল কৰিছে। এই আবেদনসমূহৰ আজি শুনানি গ্ৰহণ কৰা হ’ব। আন দুজন অভিযুক্ত সিদ্ধার্থ শর্মা আৰু শেখৰজ্যোতি গোস্বামীয়ে এই পর্যন্ত জামিন আবেদন দাখিল কৰা নাই ৷