প্রধানমন্ত্ৰী নৰেন্দ্ৰ মোদী জোহান্সবার্গত হ’বলগীয়া জি-২০ সন্মিলনত অংশগ্ৰহণ কৰাৰ উদ্দেশ্য আজি তিনিদিনীয়া ভ্রমণসূচীৰে দক্ষিণ আফ্ৰিকালৈ যাব। এয়া হ’ব প্ৰধানমন্ত্ৰী মোদীৰ চতুৰ্থ দক্ষিণ আফ্ৰিকা ভ্ৰমণ। ইয়াৰ পূৰ্বে তেওঁ ২০১৬ চনত দ্বিপাক্ষিক ভ্ৰমণসূচীৰে দক্ষিণ আফ্ৰিকালৈ গৈছিল আৰু ২০১৮ তথা ২০২৩ চনত দেশখনত হোৱা ব্ৰিকছ শীৰ্ষ সন্মিলনত অংশগ্ৰহণ কৰিছিল। প্ৰধানমন্ত্ৰীয়ে জি-২০ শীর্ষ সন্মিলনত সংস্থাটোৰ কাৰ্যসূচীৰ গুৰুত্ব সন্দৰ্ভত ভাৰতৰ বিশ্লেষণ আগবঢ়াব। শ্রীমোদীয়ে শীর্ষ সন্মিলনৰ আটাইকেইটা সত্ৰতে বক্তব্য ৰখাৰ কথা। তেওঁ লগতে জি-২০ শীৰ্ষ সন্মিলনত ভাগ লোৱাৰ আপাহতে ভাৰত, ব্রাজিল, দক্ষিণ আফ্ৰিকাৰ নেতৃত্বৰ্গৰ বৈঠকত ভাগ ল’ব আৰু কেইবাগৰাকীও বিশ্বনেতাৰ সৈতে দ্বিপাক্ষিক বৈঠকত মিলিত হ’ব। দক্ষিণ আফ্ৰিকাত থকা ভাৰতৰ উচ্চায়ুক্ত প্রভাত কুমাৰে কয়, যে প্রধানমন্ত্ৰীৰ ভ্ৰমণে অকল জি-২০ ৰাষ্ট্ৰগোষ্ঠীৰ বাবে নহয়, বৰং দ্বিপাক্ষিক সম্পর্ক সুদৃঢ় কৰাৰ বাবেও গুৰুত্বপূৰ্ণ সুযোগ কঢ়িয়াই আনিছে।