● প্ৰতিৰক্ষা মন্ত্ৰী ৰাজনাথ সিঙে ছাৰ ক্ৰিক এলেকাত পাকিস্তানে সংঘটিত কৰিব পৰা যিকোনো ধৰণৰ দুঃসাহসিক কাৰ্যৰ বিৰুদ্ধে দেশখনক সকীয়াই দিছে। ভাৰতে এনে কাৰ্যৰ উপযুক্ত প্ৰত্যুত্তৰ দিব বুলি সকীয়নি দি তেওঁ লগতে কয়, যে ইয়াৰ ফলত ইতিহাস আৰু ভূগোল দুয়োটাই সলনি হৈ যাব পাৰে। বিজয়া দশমীৰ সৈতে সংগতি ৰাখি কটচ্চৰ লক্কি নালা মিলিটাৰী গেচিনত আয়োজন কৰা শস্ত্ৰ পূজন উৎসৱত অংশগ্ৰহণ কৰি প্ৰতিৰক্ষা মন্ত্ৰীগৰাকীয়ে এই কথা প্ৰকাশ কৰে।