লক্ষ্ণৌত অনুষ্ঠিত চৈয়দ মোদী আন্তঃৰাষ্ট্ৰীয় বেডমিণ্টন প্রতিযোগিতাত ভাৰতীয় শ্বাটলাৰ তনৱী শৰ্মা, উন্নতি হুডা আৰু কিডাম্বী শ্রীকান্তে ছেমি ফাইনেলত স্থান নিশ্চিত কৰিছে। মহিলাৰ ছিংগলছত ১৬ বছৰীয়া শ্বাটলাৰ তনৱী শৰ্মাই কোৱাৰ্টাৰ ফাইনেলত হংকঙৰ চিন য়ান হেপি ল’ক ২১-১৩, ২১-১৯ পইণ্টত পৰাস্ত কৰে। কোৱাৰ্টাৰ ফাইনেলত তেওঁ জাপানৰ হিনা একেচিৰ সন্মুখীন হব। উন্নতি হুডাই নিজ দেশৰ ৰক্ষিতা ৰামৰাজক ২১-১৫, ১৩-২১, ২১-১৬ পইণ্টত পৰাস্ত কৰি ছেমি ফাইনেলত প্ৰৱেশ কৰে। তেওঁ এইবাৰ তুৰ্কীৰ নেছলিহান আমিৰ সন্মুখীন হব। পুৰুষৰ ছিংগলছত কাডম্বী শ্রীকান্তে প্রিয়াংশু ৰাজাৱাটক ২১-১৪, ১১-৪ পইণ্টত পৰাজিত কৰি ছেমি ফাইনেলত প্ৰৱেশ কৰে। ভাৰতীয় মিক্সড ডাবলছৰ নতুন যুটি তৃষা জলী আৰু হৰিহৰণ আমছাকৰুণনেও ছেমি ফাইনেলত স্থান নিশ্চিত কৰিছে। তেওলোকে অষ্ট্ৰেলিয়াৰ আন্দিকা ৰামাডিয়ানছিয়া আৰু নোজোমি শ্বিমিজুৰ যুটিক ২১-১৮, ২১-১৪ পইণ্টত পৰাজিত কৰি প্ৰথমবাৰৰ বাবে ছেমি ফাইনেলত প্ৰৱেশ কৰিছে।