ধেমাজি জিলাৰ চিলাপথাৰৰ দঞি-পঃল সাংস্কৃতিক ক্ষেত্ৰত আজিৰে পৰা দুদিনীয়া কাৰ্যসূচীৰে মিছিং জনগোষ্ঠীৰ উৎসৱ গিনমুৰ পঃল দূৰ য়ুমদেং আৰু কেন্দ্ৰীয় আলি-আঃয়ে-লৃগাঙৰ কাৰ্যসূচী অনুষ্ঠিত হৈছে। আজিৰ অনুষ্ঠানত লখিমপুৰ লোকসভা সমষ্টিৰ সাংসদ প্ৰদান বৰুৱা, জোনাই বিধানসভা সমষ্টিৰ বিধায়ক ভূৱন পেগু, মিছিং স্বায়ত্তশাসিত পৰিষদৰ মুখ্য কাৰ্যবাহী সদস্য পৰমানন্দ চায়েঙ্গীয়া আৰু পৰিষদৰ অধ্যক্ষ সুনীল পেগু উপস্থিত থাকে। এই অনুষ্ঠানতেই সাংসদ প্ৰদান বৰুৱাই চিলাপথাৰৰ দঞি-পঃল সাংস্কৃতিক ক্ষেত্ৰত প্ৰায় ৬ কোটি টকা ব্যয় সাপেক্ষে নিৰ্মাণ কৰা ১২০০ আসন থকা অত্যাধুনিক প্রেক্ষাগৃহটো উদ্বোধন কৰে।