সেনা বাহিনীৰ মুৰববী জেনেৰেল মনোজ পাণ্ডে আজিৰে পৰা চাৰি দিনীয়া ভ্রমণসূচীৰে উজবেকিস্তানলৈ ৰাওনা হৈছে। প্ৰতিৰক্ষা মন্ত্ৰ্যালয়ে কৈছে যে এই ভ্রমণসূচীৰ মূল লক্ষ্য হৈছে দুয়োখন ৰাষ্ট্ৰৰ মাজৰ পাৰস্পৰিক বুজাবুজি আৰু দ্বিপাক্ষিক প্ৰতিৰক্ষা সহযোগিতা শক্তিশালী কৰা। তেওঁ উজবেকিস্তানৰ প্ৰতিৰক্ষা বিভাগৰ শীৰ্ষ নেতৃবৰ্গৰ সৈতেও বৈঠকত মিলিত হ’ব। এই ভ্ৰমণৰ দ্বাৰা দুয়োখন ৰাষ্ট্ৰৰ মাজৰ সহযোগিতাৰ নতুন পথ অন্বেষণ কৰা হ’ব বুলিও প্ৰতিৰক্ষা মন্ত্ৰ্যালয়ে প্ৰকাশ কৰে ৷