কেন্দ্ৰীয় দক্ষতা আৰু উদ্যমিতা দপ্তৰৰ ৰাজ্যমন্ত্ৰী জয়ন্ত চৌধুৰীয়ে কালি গুৱাহাটীৰ ভাৰতীয় উদ্যমিতা প্রতিষ্ঠান আই আই ই পৰিদৰ্শন কৰে। পৰিদৰ্শনকালত মন্ত্ৰীগৰাকীয়ে আই আই ই চৌহদত নতুনকৈ স্থাপন কৰা দক্ষতা ভাৰত আন্তর্জাতিক কেন্দ্ৰও প্ৰত্যক্ষ কৰাৰ লগতে আন্তঃগাঁথনি আৰু আন্তৰ্জাতিক দক্ষতা মানৰ প্ৰসাৰ আৰু বিশ্বব্যাপী নিয়োগৰ সুযোগ বৃদ্ধিৰ লক্ষ্যৰে চলি থকা পদক্ষেপসমূহৰ বিষয়ে পর্যালোচনা কৰে। মন্ত্ৰীগৰাকীয়ে লগতে ৰাজ্য চৰকাৰৰ জ্যেষ্ঠ বিষয়াৰ উপৰি দক্ষতা ক্ষেত্ৰখনৰ সৈতে জড়িত অংশীদাৰী এম এছ এম ই ক্ষেত্ৰৰ প্ৰতিনিধি আৰু আই আই ইৰ প্ৰশিক্ষাৰ্থীসকলৰ সৈতেও মত বিনিময় কৰে। মন্ত্ৰীগৰাকীয়ে দক্ষতা বিকাশৰ পদক্ষেপসমূহ শক্তিশালী কৰা, উদ্যমিতা ক্ষেত্ৰৰ প্ৰসাৰ আৰু উত্তৰ-পূবত নিয়োগ যোগ্যতা বৃদ্ধিৰ ওপৰত গুৰুত্ব আৰোপ কৰে।