সমান কামৰ বাবে সমান দৰমহা আৰু চাকৰি নিয়মীয়া কৰণৰ দাবীৰে আজি ৰাজ্যৰ এন এইচ এম কৰ্মচাৰীসকলে গুৱাহাটীৰ চচলত প্ৰতিবাদী কাৰ্যসূচী ৰূপায়ণ কৰে। ৰাজ্যৰ স্বাস্থ্য খণ্ডত নিয়োজিত হৈ থকা এই কৰ্মচাৰীসকলে বিগত সময়ছোৱাত প্ৰাপ্য আদায়ৰ বাবে চৰকাৰক অনুৰোধ জনাই আহিছিল যদিও ৰাজ্য চৰকাৰে বিষয়টো সন্দৰ্ভত বিশেষ গুৰুত্ব আৰোপ নকৰাত আজি চচলত সহস্ৰাধিক কৰ্মচাৰীয়ে প্ৰতিবাদ সাব্যস্ত কৰে। চৰকাৰে এন এইচ এম কৰ্মীসকলৰ দাবী পূৰণ নকৰিলে অনাগত সময়ত প্রতিবাদ অব্যাহত থাকিব বুলি তেওঁলোকে ঘোষণা কৰিছে।