১১ জানুৱাৰীত গুজৰাটত আৰম্ভ হোৱা আন্তঃৰাষ্ট্ৰীয় চিলা মহোৎসৱত ৪৭খন দেশৰ ১৪৩ গৰাকী চিলা উৰুওৱা ব্যক্তিয়ে অংশ লৈছে। আহমেদাবাদৰ সবৰমতী নৈৰ পাৰত চিলা উৰুৱাই ৰাজ্যখনৰ মুখ্যমন্ত্রী ভূপেন্দ্ৰ পেটেলে শনিবাৰে উৎসৱৰ শুভাৰম্ভ কৰে। “সাৱধানতাৰে বৰ্তি থকা” শীর্ষক বিষয় লৈ অনুষ্ঠিত এই মহোৎসৱত ১১খন দেশৰ ৰাষ্ট্ৰদূত আৰু ১১খন ৰাজ্যৰ ৫২ গৰাকী ব্যক্তিয়ে অংশগ্রহণকাৰীয়ে অংশগ্ৰহণ কৰিছে। গুজৰাটৰ ১১খন চহৰৰ ৪১৭ জন চিলা উৰুৱাই ভাল পোৱা লোকেও এই উৎসৱত নিজৰ কৌশল প্ৰদৰ্শন কৰিছে। আহমেদাবাদ, বদোদৰা, চুৰাট, ৰাজকোট, ধোৰদো, শিৱৰাজপুৰকে ধৰি সমগ্র গুজৰাটৰ একাধিক স্থানত একেলগে এই উৎসৱ অনুষ্ঠিত হৈছে। কাইলৈ এই উৎসৱৰ সামৰণি পৰিব।