কোনো ধৰ্ম বা সম্প্ৰদায়ৰ বিৰুদ্ধে ঘৃণাসূচক মন্তব্য বা অস্থিৰতাৰ সৃষ্টি কৰা কাৰ্য প্ৰতিৰোধৰ বাবে তেলেংগানা চৰকাৰে এখন নতুন আইন প্ৰৱৰ্তন কৰিব। তেলেংগানাৰ মুখ্যমন্ত্ৰী এ ৰেৱনাথ ৰেড্ডীয়ে কালি এই ঘোষণা কৰে ৷ বাজেট অধিৱেশনৰ সময়তে এই প্ৰস্তাৱিত বিধেয়কখন উত্থাপন কৰা হ’ব। হায়দৰাবাদত কালি সন্ধিয়া আয়োজিত প্ৰাক-বৰদিনৰ এটা অনুষ্ঠানত অংশগ্ৰহণ কৰি মুখ্যমন্ত্ৰীগৰাকীয়ে কয়, যে ধৰ্মীয় ঘৃণা আঁতৰোৱাৰ বাবে এই আইনখনত গুৰুত্ব দিয়া হ’ব। তেওঁ লগতে কয়, যে অন্য ধৰ্মৰ লোকক অত্যাচাৰ কৰিলেও এই আইনৰ জৰিয়তে শাস্তি বিহা হ’ব। ৰাজ্য চৰকাৰে সকলো ধৰ্ম আৰু সম্প্ৰদায়ৰ লোকক সমান দৃষ্টিৰে চোৱাৰ কথা উল্লেখ কৰি মুখ্যমন্ত্ৰীগৰাকীয়ে কয়, যে সকলোৱে নিজৰ নিজৰ ধৰ্মীয় বিশ্বাস অনুশীলন কৰাৰ স্বাধীনতাৰ লগতে অন্য ধৰ্মৰ প্ৰতিও সন্মান প্ৰদৰ্শন কৰাৰ ক্ষেত্ৰতো সমানে দায়িত্ব আছে।