কামৰূপ জিলাৰ বকো-ছয়গাওঁ সমষ্টিৰ বকো-লাংপি সংযোগী পথটো লংতুৰি পাহাৰ অঞ্চলত যোৱা নিশাৰে পৰা হোৱা ভূমিস্খলনৰ ফলত বন্ধ হৈ পৰিছে। অঞ্চলটোত বিগত কিছুদিন ধৰি হৈ থকা নেৰানেপেৰা বৰষুণৰ ফলত পাহাৰৰ মাটি আৰু বৃহৎ আকাৰৰ শিল বাগৰি পৰাত পথটো বন্ধ হৈ পৰে। পথটো বন্ধ হোৱাৰ ফলত কাষৰীয়া জনজাতীয় অঞ্চলৰ ৰাইজ অসুবিধাৰ সন্মুখীন হৈছে। লোক নিৰ্মাণ বিভাগৰ বিষয়া কৰ্মচাৰীয়ে অঞ্চলটো পৰিদৰ্শন কৰি অহা ২-৩ দিনৰ ভিতৰত যাতায়তৰ বাবে সূচল কৰিব পৰা হ’ব বুলি প্ৰকাশ কৰিছে।