কাজিৰঙাত চলি থকা আন্তঃৰাষ্ট্ৰীয় পৰ্যটন মেলাৰ আজি তৃতীয় দিনা দেশ-বিদেশৰ প্ৰতিনিধিসকলে কাজিৰঙা ৰাষ্ট্ৰীয় উদ্যান পৰিদৰ্শন কৰে। প্ৰতিনিধি দলটোৱে ৰাষ্ট্ৰীয় উদ্যান পৰিদৰ্শন কৰাৰ পাছত অ’কিড উদ্যান, হাতীখুলি চাহ বাগিচা পৰিভ্ৰমণ কৰি অসমৰ থলুৱা খাদ্যৰ জুতি লয়। কাজিৰঙাৰ অনুপম সৌন্দৰ্য উপভোগ কৰি পৰ্যটকসকল আপ্লুত হৈ পৰে। পৰ্যটন মেলালৈ অহা মহাৰাষ্ট্ৰ পৰ্যটনৰ ব্ৰেণ্ড এম্বেছাড’ৰ নাভেলি দেশমুখেও কাজিৰঙাৰ সৌন্দৰ্যক প্ৰশংসা কৰে। উল্লেখযোগ্য যে কাইলৈ এই পৰ্যটন মেলাৰ অন্ত পৰিব।