◆ কাছাৰ আৰক্ষী আৰু আছাম ৰাইফলছে যোৱা নিশা অভিযান চলাই জিলাখনৰ পূব ধলাইৰ মোহনখাল, ৰাম মানিকপুৰ গাঁও পঞ্চায়তৰ স্মিথ নগৰ বনগাঁৱৰ পৰা বৃহৎ পৰিমাণৰ অস্ত্ৰ-শস্ত্ৰ আৰু মাদক দ্রব্যসহ এজন যুৱকক গ্ৰেপ্তাৰ কৰে।
ধৃত সৰবৰাহকাৰীজনৰ পৰা ৫৬টা চাবোনৰ বাকচত ৬৪৮ গ্রাম হেৰ’ইন উদ্ধাৰ কৰা হয়। এই হেৰ’ইনখিনিৰ বজাৰ মূল্য প্রায় ৩.৫০ কোটি হ’ব বুলি আৰক্ষীৰ সূত্ৰই প্ৰকাশ কৰিছে। লোকজনৰ পৰা এটা পিষ্টল, দুটা মেগজিন আৰু ১৯টা গুলী জব্দ কৰা হয়। ধৃত লোকজন লক্ষীপুৰ থানা এলেকাৰ দিলকুচ গ্রাণ্টৰ বাসিন্দা বুলি জানিব পৰা গৈছে।