গুৱাহাটীৰ শ্ৰীমন্ত শংকৰদেৱ কলাক্ষেত্ৰত চলি থকা কলাক্ষেত্ৰ ৰামধেনু উৎসৱৰ আজি দ্বিতীয় দিনা পুতলা নাচ আৰু সত্ৰীয়া বৈভৱ শীৰ্ষক বর্ণাঢ্য কাৰ্যসূচী অনুষ্ঠিত হয়। ৰাজ্য চৰকাৰৰ শিল্পী পেন্সন লাভ কৰা বিশিষ্ট পুতলা নাট শিল্পী অবনী শৰ্মাই পৰিচালনা কৰা অভিশপ্ত অজগৰ নাটখনে দর্শকক আপ্লুট কৰে। একেদৰে মাজুলীৰ উত্তৰ কমলাবাৰীসত্ৰৰ শিল্পীসকলে গুৰুজনাৰ অমৰ সৃষ্টি গায়ন-বায়ন আৰু কেলিগোপাল নাটৰ খণ্ড দৃশ্যৰ লগতে বৰগীত, দশৱতাৰ নৃত্য, সত্ৰীয়া ওজাপালি আদি পৰিৱেশন কৰে।