কলকাতাৰ I-PAC ৰাজনৈতিক পৰামৰ্শ সংস্থাৰ কাৰ্যালয়ত বিধি বলবৎকাৰী সঞ্চালকালয়ে চলোৱা অনুসন্ধানকালত তৃণমূল কংগ্ৰেছৰ মুৰববী তথা পশ্চিমবংগৰ মুখ্যমন্ত্রী মমতা বেনাৰ্জীয়ে হস্তক্ষেপ কৰাৰ কথা উল্লেখ কৰি বিজেপিয়ে তেওঁক সমালোচনা কৰিছে। নতুন দিল্লীত এখন সংবাদমেলত জ্যেষ্ঠ বিজেপিৰ নেতা ৰবিশংকৰ প্ৰসাদে মুখ্যমন্ত্ৰীগৰাকীক সংস্থাটোৰ কাৰ্যালয়ত উপস্থিত হোৱাৰ সিদ্ধান্ত লোৱা সন্দৰ্ভত প্রশ্ন উত্থাপন কৰি কয়, যে সংস্থাটোৰ কাৰ্যালয় কোনো দলীয় নেতাৰ আবাসগৃহ বা তৃণমূল কংগ্ৰেছৰ কার্যস্থলী নহয়। তেওঁ লগতে পশ্চিমবংগ বিধানসভাৰ বিৰোধী দলৰ নেতা শুভেন্দু অধিকাৰীৰ কনভয়ত আৰক্ষীৰ উপস্থিতিতেই কালি দুর্বৃত্তই আক্ৰমণ কৰাৰ অভিযোগ তোলে। এই ঘটনাক দুর্ভাগ্যজনক আখ্যা দি তেওঁ কয়, যে ঘটনা সন্দর্ভত এজাহাৰ দাখিলৰ চেষ্টা চলোৱা হৈছিল যদিও কোনো গোচৰ ৰুজু কৰা নহ’ল। তেওঁ পশ্চিমবংগৰ সমগ্ৰ আৰক্ষী প্রশাসন ব্যবস্থা মুখ্যমন্ত্ৰীৰ নিৰ্দেশত চলে বুলি অভিযোগ কৰে।