■ অসামৰিক বিমান পৰিবহণ সঞ্চালকালয়ে বিমানসেৱাৰ বাধ্যতামূলক সুৰক্ষাৰ দিশৰ পৰা প্রয়োজনীয় সাল-সলনি সম্পূৰ্ণ নোহোৱা পৰ্যন্ত এয়াৰবাছ A320 শ্ৰেণীৰ বিমানসমূহৰ সেৱা তাৎক্ষণিকভাৱে বন্ধ কৰাৰ নিৰ্দেশ দিছে। এই নিৰ্দেশনাৰ অধীনত এয়াৰবাছ A318, A319, A320 আৰু A321 বাহিনীক সামৰি লোৱা হৈছে আৰু নিৰ্ধাৰিত পৰীক্ষা আৰু সংশোধন সম্পূর্ণ নোহোৱালৈকে উৰনত বাধা দিয়া হৈছে।
উল্লেখযোগ্য যে এয়াৰবাছে বিশ্বযুৰি ইয়াৰ A320 শ্ৰেণীৰ সহস্রাধিক বিমান ততালিকে মেৰামতি কৰাৰ নিৰ্দেশ
দিছে। ইয়াৰ ফলত বিশ্বজুৰি প্ৰায় ছয় হাজাৰ বিমান প্ৰভাৱিত হ’ব বুলি অনুমান কৰা হৈছে। A320 বিমানৰ সৈতে সংঘটিত এটা ঘটনাৰ পিছত সৌৰ বিকিৰণে বিমানৰ নিয়ন্ত্ৰণক প্ৰভাৱিত কৰাৰ আশংকা কৰি এয়াৰবাছে এই নিৰ্দেশনা জাৰি কৰিছে।
Site Admin | November 29, 2025 7:18 PM | Aakashbani | Akashvani News
এয়াৰবাছ A320 শ্ৰেণীৰ বিমানসমূহৰ সেৱা তাৎক্ষণিকভাৱে বন্ধৰ নিৰ্দেশ অসামৰিক বিমান পৰিবহণ সঞ্চালকালয়ৰ