এফ আই এইচ হকী প্ৰ’ লীগৰ এখন মেচত কালি নিশা লণ্ডনৰ লী ভেলী হকী এণ্ড টেনিছ চেণ্টাৰত ভাৰতীয় মহিলা দলটো আর্জেণ্টিনাৰ হাতত ১-৪ গ’লৰ ব্যৱধানত পৰাস্ত হয়। প্রতিযোগিতাৰ ইউৰোপীয় লেগত ১৫ জুনত অষ্ট্ৰেলিয়াৰ হাতত ১-২ গ’লত পৰাস্ত হোৱাৰ পিছত এয়া একেৰাহে ভাৰতৰ দ্বিতীয়টো পৰাজয়। দীপিকাই ভাৰতৰ হৈ হাফ টাইমৰ ঠিক পিছতে পেনাল্টি কর্ণাৰৰ জৰিয়তে একমাত্ৰ গ’লটো দি ১-১ গ’লত সমতা স্থাপন কৰিছিল। কিন্তু আৰ্জেণ্টিনাই খেলখন নিজৰ নিয়ন্ত্ৰণলৈ আনি পৰৱৰ্তী সময়ত আৰু তিনিটা গ’ল দি মেচখনত জয়লাভ কৰে।