উত্তৰ-পূৰ্বাঞ্চলত অনাগত ৫ বছৰত ৰিলায়েন্স ইণ্ডাষ্ট্রীজে ৭৫ হাজাৰ কোটি টকা বিনিয়োগ কৰিব বুলি ৰিলায়েন্সৰ অধ্যক্ষ মুকেশ আম্বানীয়ে প্ৰকাশ কৰিছে। নতুন দিল্লীত অনুষ্ঠিত বাইজিং নর্থ-ইষ্ট বিনিয়োগকাৰী সন্মিলনত অংশ লৈ অধ্যক্ষগৰাকীয়ে কয়, যে এই পুঁজি ৩৫০টা জৈৱ গেছ প্রকল্প, দূৰসংযোগ সেৱাৰ সম্প্ৰসাৰণ, বিশুদ্ধ শক্তি প্রকল্প আদিকে ধৰি বিভিন্ন খণ্ডত বিনিয়োগ কৰা হ’ব। ইয়াৰ ফলত ২৫ লাখ প্ৰত্যক্ষ আৰু পৰোক্ষ নিয়োগৰ সুযোগ সৃষ্টি হ’ব বুলি শ্ৰীআম্বানীয়ে উল্লেখ কৰে।
আদানী গ্ৰুপৰ অধ্যক্ষ গৌতম আদানীয়েও অহা ১০ বছৰত উত্তৰ-পূৰ্বাঞ্চলত সেউজ শক্তি, পথ, ৰাষ্ট্ৰীয় ঘাইপথ আৰু ডিজিটেল আন্তঃগাঁথনিকে ধৰি বিভিন্ন ক্ষেত্ৰত অতিৰিক্তভাৱে ৫০ হাজাৰ কোটি টকা বিনিয়োগ কৰা হ’ব বুলি প্ৰকাশ কৰিছে।