আমেৰিকা যুক্তৰাষ্ট্ৰৰ সেনাবাহিনীয়ে উত্তৰ কোৰিয়াই পূব সাগৰলৈ লক্ষ্য কৰি আজি নিক্ষেপ কৰা ক্ষেপনাস্ত্ৰৰ সন্দৰ্ভত অঞ্চলটোৰ মিত্ৰদেশসমূহৰ সুৰক্ষাৰ বিষয়ত দেশখনে নিজৰ প্ৰতিশ্রুতিবদ্ধতাক দোহাৰিছে। দক্ষিণ কোৰিয়াৰ ৰাষ্ট্ৰপতি লী জে মিয়ুঙে অহা সপ্তাহত চাৰিদিনীয়া চৰকাৰী ভ্ৰমণসূচীৰে চীন ভ্ৰমণ কৰাৰ সময়ত দেশখনৰ ৰাষ্ট্ৰপতি ঝি জিনপিঙৰ সৈতে এখন সন্মিলনত ভাগ লোৱাৰ প্ৰস্তুতিৰ সময়ত আমেৰিকাৰ সেনাবাহিনীয়ে এই মন্তব্য কৰিছে। দক্ষিণ কোৰিয়াৰ সামৰিকবাহিনীৰ যুটীয়া মুৰববীয়ে কৈছে যে উত্তৰ কোৰিয়াৰ ৰাজধানীৰ সমীপৰ পৰা ভালেমান বেলিস্টিক ক্ষেপনাস্ত্র নিক্ষেপ কৰা হৈছে। এই ক্ষেপনাস্ত্রসমূহ দক্ষিণ কোৰিয়াৰ পৰা প্ৰায় ৫৬০ মাইল দূৰত্বত নিক্ষেপ কৰা হৈছে। দক্ষিণ কোৰিয়া আৰু আমেৰিকাৰ কৰ্তৃপক্ষসমূহে ইয়াৰ সবিশেষ বিশ্লেষণ কৰি আছে। আমেৰিকাৰ ৰাষ্ট্ৰপতি ডনাল্ড ট্রাম্পে ভেনিজুৱেলাৰ ৰাষ্ট্ৰপতি নিক’লাছ মাদুৰক মাদক দ্ৰব্যৰ অবৈধ সৰবৰাহ আদিকে ধৰি বিভিন্ন অভিযোগত কাৰাকাছত চলোৱা এটা সামৰিক অভিযানত কৰায়ত্ব কৰা বুলি ঘোষণা কৰাৰ পাছত উত্তৰ কোৰিয়াই এই ক্ষেপনাস্ত্র নিক্ষেপ কৰে। এই ক্ষেপনাস্ত্র নিক্ষেপ কৰাৰ পাছতে জাপানে দেশখনত জৰুৰী সর্তকতা জাৰি কৰে।