উচ্চতম ন্যায়ালয়ে আজি ৱাকফ সংশোধনী আইন ২০২৫ৰ সাংবিধানিক বৈধতাক প্ৰত্যাহ্বান জনাই দাখিল কৰা কেইবাখনো আবেদনৰ শুনানি গ্রহণ কৰিব। সর্বোচ্চ ন্যায়ালয়ৰ ৱেৱছাইটত প্ৰকাশ কৰা তালিকা অনুসৰি মুখ্য ন্যায়াধীশ সঞ্জীৱ খান্না, ন্যায়াধীশ সঞ্জয় কুমাৰ আৰু ন্যায়াধীশ কে ভি বিশ্বনাথনক লৈ গঠিত এখন বিচাৰপীঠে এই আবেদনসমূহৰ শুনানি গ্রহণ কৰাৰ কথা। উল্লেখযোগ্য যে অসমৰ উপৰি ৰাজস্থান, ছত্তিশগড়, উত্তৰাখণ্ড, হাৰিয়ানা আৰু মহাৰাষ্ট্ৰৰ পৰা এই বিষয়টো সন্দৰ্ভত উচ্চতম ন্যায়ালয়ৰ হস্তক্ষেপ বিচাৰি আবেদন দাখিল কৰা হৈছে। অসমৰ ৮খন জিলা ষষ্ঠ অনুসূচীৰ অন্তৰ্ভুক্ত হোৱা হেতুকে এই বিষয়টোৰ প্ৰতি বিশেষ গুৰুত্ব দিবলৈ আবেদনত উল্লেখ কৰা হৈছে।