উইম্বলডন টেনিছ প্রতিযোগিতাত আজি লণ্ডনৰ অল ইংলেণ্ড ক্লাবত কেইবাখনো কোৱাৰ্টাৰ ফাইনেল খেল অনুষ্ঠিত হ’ব।
পুৰুষৰ ছিংগলছত ইটালীৰ জানিক চিনাৰ আমেৰিকা যুক্তৰাষ্ট্ৰৰ বেন ছেণ্টনৰ বিৰুদ্ধে অৱতীৰ্ণ হ’ব। পুৰুষ শাখাৰ আন এখন খেলত ইটালীৰ ফ্লেভিঅ’ কোবোলীয়ে ২৪টাকৈ গ্রেণ্ড শ্লেম খিতাপ বিজয়ী ছাৰ্বিয়াৰ ন’ভাক জ’ক’ভিছৰ মুখামুখি হ’ব। ইপিনে মহিলাৰ ছিংগলছৰ কোৱাৰ্টাৰ ফাইনেলত পোলেণ্ডৰ ইগা শ্বিয়াটেক ৰাছিয়াৰ ল্যুডমিলা ছেমছোন’ভাৰ বিৰুদ্ধে অৱতীৰ্ণ হ’ব। এই শিতানৰ আন এখন খেলত ৰাছিয়াৰ মীৰা এণ্ড্ৰিৱা ছুইজাৰলেণ্ডৰ বেলিণ্ডা বেনছিকৰ মুখামুখি হ’ব।