ইণ্ডোনেছিয়াত চুলাৱেছি দ্বীপৰ মানাডো চহৰৰ এটা অৱসৰ গৃহত অগ্নিকাণ্ডৰ ফলত ১৬ জন লোকৰ মৃত্যু হয়। আজি মানাডো আৰক্ষী অধীক্ষকে জনোৱা অনুসৰি, যোৱা পৰহি নিশা উত্তৰ চুলাৱেছি প্ৰদেশৰ ৱেৰ্ধা দমাই অৱসৰ গৃহত বাসিন্দাসকল শুই থকাৰ সময়তে অগ্নিকাণ্ড সংঘটিত হয়।
এই অগ্নিকাণ্ডত ১৫ জন বাসিন্দাৰ মৃত্যু হোৱাৰ লগতে এজন ভুক্তভোগীৰ মৃতদেহ অক্ষত অৱস্থাত উদ্ধাৰ কৰা হৈছে। আন ১৫ জন আহত লোক বৰ্তমান মানাডোৰ দুখন চিকিৎসালয়ত চিকিৎসাধীন হৈ আছে। কাষৰীয়া বাসিন্দাসকলে জৰুৰীকালীন সেৱাক সতৰ্ক কৰি দিয়াৰ পিছত অগ্নিনির্বাপক বাহিনীয়ে ছটা অগ্নিনির্বাপক বাহিনীৰ ইঞ্জিন ব্যৱহাৰ কৰি জুই নিয়ন্ত্ৰণ কৰিবলৈ দুঘণ্টাৰো অধিক সময় লয়। আৰক্ষীৰ প্ৰাৰম্ভিক প্ৰতিবেদনত বৈদ্যুতিক বিজুতিৰ বাবে এই দুর্ঘটনা সংঘটিত হোৱা বুলি কোৱা হৈছিল যদিও পাছত কৰ্তৃপক্ষই জনায় যে ইয়াৰ সঠিক কাৰণৰ বাবে এতিয়াও তদন্ত অব্যাহত আছে।