ইউৰো কাপ ফুটবল প্ৰতিযোগিতাৰ ছেমি ফাইনেলত স্পেইন ফ্ৰান্সৰ মুখামুখি হ’ব। জাৰ্মানীৰ ষ্টুটগার্টত অনুষ্ঠিত প্ৰথমখন কোৱাৰ্টাৰ ফাইনেলত স্পেইনে জার্মানীক ২-১ গলত পৰাস্ত কৰে। স্পেইনৰ ডানী অল্‌মো আৰু মাইকেল মৰিনোৱে এটাকৈ গল দিয়ে। আনহাতে জাৰ্মানীৰ হৈ ফ্লৰিয়ন বিটজে একমাত্র গলটো দিয়ে। দ্বিতীয়খন কোৱাৰ্টাৰ ফাইনেলত ফ্রান্সে পর্টুগালক পেনাল্টি শুট আউটৰ সহায়ত ৫-৩ গলৰ ব্যৱধানত পৰাস্ত কৰে। প্রতিযোগিতাৰ প্ৰথমখন ছেমি ফাইনেল ৯ জুলাইত জাৰ্মানীৰ মিউনিখ আৰু দ্বিতীয়খন ছেমি ফাইনেল ১০ জুলাইত ডাটমণ্টত খেলোৱা হ’ব। বার্লিনত অহা ১৪ জুলাইত প্রতিযোগিতাৰ ফাইনেল খেলখন অনুষ্ঠিত হ’ব।