● মুখ্যমন্ত্রী ড° হিমন্ত বিশ্ব শৰ্মাই কালি কামৰূপ জিলাৰ আমিনগাঁৱত নিৰ্মাণ কৰা শৰাইঘাট পার্কখন আনুষ্ঠানিকভাৱে মুকলি কৰে।
ইয়াৰ পূৰ্বে মুখ্যমন্ত্ৰীগৰাকীয়ে আমিনগাঁৱত থকা কামৰূপ জিলা আয়ুক্তৰ কাৰ্যালয় চৌহদত স্থাপন কৰা মহাত্মা গান্ধীৰ পূৰ্ণাংগ প্ৰতিমূৰ্তি উন্মোচন কৰে।
ইয়াৰ লগতে তেওঁ কেইবাটাও পৰিয়ালক উত্তৰ গুৱাহাটীত স্থাপন হ’বলগীয়া ন্যায়িক চহৰৰ বাবে অধিগ্ৰহণ কৰা ভূমিৰ ক্ষতিপূৰণো প্রদান কৰে।
সাংবাদিকৰ সৈতে হোৱা কথা-বতৰাত মুখ্যমন্ত্ৰী ড° হিমন্ত বিশ্ব শৰ্মাই কয় যে এই বছৰৰ শেষৰ ফালে ৰংমহলত ন্যায়িক চহৰ নিৰ্মাণৰ কাম-কাজ আৰম্ভ হ’ব। ন্যায়িক চহৰৰ নিৰ্মাণৰ বাবে প্ৰথম অৱস্থাত ১৩৫ বিঘা ভূমি অধিগ্ৰহণ কৰা হৈছে বুলিও মুখ্যমন্ত্ৰীগৰাকীয়ে সদৰি কৰে।
