আকাশবাণী গুৱাহাটীৰ বাতৰি বিভাগে আয়োজন কৰা ষষ্ঠ গোলাপ শইকীয়া সোঁৱৰণী বাতৰি পৰিৱেশন প্রতিযোগিতা ২০২৫ৰ পুৰস্কাৰ বিজয়ীসকলৰ অনুভৱেৰে কালি দৃষ্টিপাত অনুষ্ঠান প্ৰচাৰ কৰা হয়। অনুষ্ঠানত প্ৰথম পুৰস্কাৰ বিজয়ী নিষ্ঠা বৰগোহাঁই, দ্বিতীয় দিব্যা আত্রেয়ক, তৃতীয় স্থানপ্রাপ্ত অন্বেষা ফুকন আৰু ৰোহিত গাওঁখোৱাই আকাশবাণীৰ সৈতে জড়িত হোৱাৰ এই অভিজ্ঞতাৰ কথা উল্লেখ কৰাৰ লগতে সামাজিক মাধ্যমৰ ব্যাপক প্রচলনৰ সময়ত এই মাধ্যমৰ ইতিবাচক আৰু নেতিবাচক দিশৰ বিষয়ে মত ব্যক্ত কৰে। দৃষ্টিপাত অনুষ্ঠানটোৰ আঁত ধৰে আকাশবাণী গুৱাহাটীৰ বাতৰি বিভাগৰ মুৰববী ৰাজীৱ লোচন বৰঠাকুৰে।