২০২৬ বৰ্ষৰ ফিফা বিশ্বকাপ ফুটবল প্রতিযোগিতাৰ ট্রফী অহা ১৩ জানুৱাৰীত প্ৰথমবাৰৰ বাবে গুৱাহাটীলৈ অনা হ’ব। ক্রীড়া মন্ত্রী নন্দিতা গালোচাই আজি এখন সংবাদমেলত এইকথা প্ৰকাশ কৰে । ৰাজ্য চৰকাৰৰ ক্ৰীড়া বিভাগে বিশ্বকাপৰ ট্রফি আদৰণি জনোৱাৰ বাবে বিশেষ অনুষ্ঠানৰ আয়োজন কৰিছে। লোক কৃষ্টি সংস্কৃতিৰে বিশ্বকাপৰ টুফি আদৰণি জনোৱা হ’ব। বিমানবন্দৰৰ পৰা ট্রফি সৰুসজাই ষ্টেডিয়ামলৈ আৰু বিয়লি ৩ বজাত বর্ষাপাৰা ষ্টেডিয়ামলৈ অনা হ’ব। মুখ্যমন্ত্ৰী ড° হিমন্ত বিশ্ব শৰ্মাই ৰাইজৰ বাবে ট্রফি মুকলি কৰিব। ৰাজ্য চৰকাৰে ট্রফি চোৱাৰ বাবে ৮-১০ হাজাৰ বিনামুলীয়া অনুমতি পত্ৰৰ ব্যৱস্থা কৰিছে।