● অসম সাহিত্য সভাৰ উদ্যোগত আয়োজিত সদৌ অসম ভিত্তিত স্ব-নির্বাচিত কবিতা আবৃত্তি আৰু তৰ্ক প্ৰতিযোগিতাত গুৱাহাটীৰ ৰাগিনী কাশ্যপ ‘ক’ শাখাৰ শ্রেষ্ঠ আবৃত্তিকাৰ আৰু তৰ্ক প্ৰতিযোগিতাত পাঠশালাৰ হিয়া কলিতা শ্রেষ্ঠ তার্কিক হিচাপে নিৰ্বাচিত হৈছে। একেদৰে ‘খ’ শাখাত জুচিপৰ্ণা ডেকা শ্রেষ্ঠ আবৃত্তিকাৰ আৰু যোৰহাটৰ প্ৰাঞ্জলজ্যোতি ভূঞা শ্রেষ্ঠ তার্কিক হিচাপে নির্বাচিত হয়। অসম সাহিত্য সভাৰ কুঁহি, ৰামধেনু, তথ্য প্ৰযুক্তি আৰু আবৃত্তি কলা তথা হাস্য-ব্যংগ উপ-সমিতিৰ সহযোগত গুৱাহাটীৰ সংগীতাচাৰ্য লক্ষ্মীৰাম বৰুৱা সদনত আয়োজিত অনুষ্ঠানত অংশগ্ৰহণকাৰীসকলক অসম সাহিত্য সভাৰ তৰফৰ পৰা একোখনকৈ প্ৰমাণপত্ৰ প্ৰদান কৰা হয়। প্রতিযোগিতাত বিজয়ীসকলক নগদ ধন, গ্ৰন্থৰ টোপোলা আৰু মানপত্ৰৰে পুৰস্কৃত কৰা হয়।