প্রাক্তন কেন্দ্ৰীয় মন্ত্ৰী ৰাজেন গোহাঁয়ে আজি অসম জাতীয় পৰিষদত আনুষ্ঠানিকভাৱে যোগদান কৰিছে। আজি দিছপুৰৰ লোকনিৰ্মাণ বিভাগৰ সন্মিলন কক্ষত আয়োজিত এটা অনুষ্ঠানত শ্ৰী গোহাঁয়ে দলটোত যোগদান কৰে। এই অনুষ্ঠানত অসম জাতীয় পৰিষদৰ সভাপতি লুৰিণজ্যোতি গগৈয়ে প্রবীণ ৰাজনীতিকগৰাকীক আঞ্চলিক দলটোলৈ আদৰণি জনায় আৰু তেওঁৰ যোগদানে দলটোক অধিক শক্তিশালী কৰিব বুলি আশা প্রকাশ কৰে। প্ৰায় এমাহ পূৰ্বে ভাৰতীয় জনতা পাৰ্টীৰ পৰা পদত্যাগ কৰা ৰাজেন গোহাঁয়ে কয়, যে তেওঁ অধিক উৎসাহেৰে জনসাধাৰণৰ কল্যাণৰ বাবে কাম কৰি যাব। আজিৰ অনুষ্ঠানত আন কেইবাটাও দলৰ কেইবাগৰাকী কর্মীয়েও অসম জাতীয় পৰিষদত যোগদান কৰে।