অসম চাহ কৰ্মচাৰী সংঘ, মৰাণ শাখাৰ উদ্যোগত আৰু ডিৰাই চাহ বাগিচা প্ৰাথমিক গোটৰ আতিথ্যত আয়োজিত ৬৩ সংখ্যক ত্রিবার্ষিক ডিৰাই অধিৱেশনত আজি কেবিনেট মন্ত্রী বিমল বৰা বিশিষ্ট হিচাপে উপস্থিত থাকে। মন্ত্ৰীগৰাকীয়ে তেওঁৰ ভাষণত মুখ্যমন্ত্ৰী ড° হিমন্ত বিশ্ব শৰ্মাৰ নেতৃত্বাধীন ৰাজ্য চৰকাৰে আদিৱাসী চাহ জনগোষ্ঠী তথা আদিবাসী সমাজৰ সৰ্বাংগীন উন্নয়নৰ বাবে বহুকেইটা গুৰুত্বপূৰ্ণ পদক্ষেপ গ্ৰহণ কৰিছে বুলি উল্লেখ কৰে। চাহ শ্ৰমিকৰ ন্যূনতম মজুৰি বৃদ্ধি, চাহ বাগিচা অঞ্চলত স্বাস্থ্য সেৱা আৰু শিক্ষা ব্যৱস্থাৰ উন্নয়ন, বাসগৃহ নিৰ্মাণ, বিশুদ্ধ খোৱাপানীৰ যোগান আদি বিকাশমূলক আঁচনিৰে চাহ জনগোষ্ঠীৰ উন্নয়নৰ বাবে ৰাজ্য চৰকাৰে কাম কৰি আহিছে বুলি মন্ত্ৰী শ্ৰীবৰাই প্ৰকাশ কৰে। এই অধিৱেশনত অসম চাহ কৰ্মচাৰী সংঘৰ বিষয়ববীয়া আৰু কৰ্মকৰ্তা উপস্থিত থাকে।