ছিকিম চৰকাৰে ৫ বছৰৰ বিৰতিৰ অন্তত ভগৱান শিৱৰ পবিত্ৰ তীৰ্থস্থান কৈলাশ মানসৰোবৰ যাত্ৰাৰ আয়োজন কৰিবলৈ সাজু হৈছে। ছিকিম চৰকাৰৰ পৰ্যটন আৰু অসামৰিক বিমান পৰিবহণ বিভাগৰ অতিৰিক্ত মুখ্য সচিব চি এছ ৰাওৱে জনাইছে যে অহা ১৫ জুনত গেংটকত প্ৰথমটো তীর্থযাত্ৰীৰ দল উপস্থিত হোৱাৰ লগে লগেই এই যাত্ৰাৰ আৰম্ভ হ’ব। সুগম যাত্ৰাৰ বাবে গেংটক আৰু নাথুলাৰ মাজত অভ্যস্ততা কেন্দ্ৰ স্থাপন কৰা হৈছে। এই যাত্ৰা সম্পূৰ্ণ হ’বলৈ প্ৰায় ২০-২১ দিন সময় লাগিব বুলি আশা কৰা হৈছে। কৈলাশ মানসৰোবৰ যাত্ৰাৰ বাবে যাত্ৰীসকলে ১১ জুনত নতুন দিল্লীত প্রতিবেদন দাখিল কৰাৰ লগতে যাত্ৰা আৰম্ভ কৰাৰ পূৰ্বে উপযুক্ত স্বাস্থ্য পৰীক্ষা আৰু আৱশ্যকীয় অনুজ্ঞাপত্ৰ ল’ব লাগিব। এই যাত্রা ১০টা গোটত কৰোৱা হ’ব আৰু প্ৰতিটো গোটত ৪৮জনকৈ তীর্থযাত্রী থাকিব। তেওঁলোকৰ সৈতে দুগৰাকী জনসম্পৰ্কৰক্ষী বিষয়া, ৰান্ধনী আৰু সহায় কৰ্মীও থাকিব। ছিকিম চৰকাৰে যাত্ৰীসকলৰ বাবে সকলো প্রয়োজনীয় ব্যৱস্থা গ্ৰহণ কৰিব। ছিকিম চৰকাৰে যাত্ৰা পথৰ বিভিন্ন স্থানত আৱাস, খাদ্য, চিকিৎসা সেৱা আৰু জৰুৰীকালীন ব্যৱস্থাসমূহ গ্ৰহণ কৰিব। কৈলাশ মানসৰোবৰ যাত্ৰা এক দুঃসাহসিক যাত্রা যত সাৱধানতামূলক আঁচনি আৰু ব্যৱস্থাৰ প্ৰয়োজন হয়। শ্ৰীৰাওৱে কয়, যে ছিকিমৰ বিশেষ ভৌগোলিক অৱস্থিতি আৰু জলবায়ু কৈলাশ মানসৰোবৰ যাত্ৰাৰ বাবে উপযুক্ত বুলি কোৱা হয়।