কেন্দ্ৰীয় যুৱ পৰিক্ৰমা আৰু ক্ৰীড়া মন্ত্ৰী ড০ মনসুখ মন্দাভিয়াই যুৱক-যুৱতীসকলক ২০২২-২৩ বৰ্ষৰ ৰাষ্ট্ৰীয় যুৱ পুৰস্কাৰৰ বাবে আবেদন কৰিবলৈ আহ্বান জনাইছে। ১৫ৰ পৰা ২৯ বছৰ বয়সৰ ব্যক্তি আৰু সংগঠনক স্বাস্থ্য, মানৱ অধিকাৰৰ প্ৰসাৰ, সক্ৰিয় নাগৰিকত্ব আৰু সমূহীয়া সেৱাৰ দৰে উন্নয়ন তথা সমাজ সেৱাৰ বিভিন্ন ক্ষেত্ৰৰ উৎকৃষ্ট কাম আৰু অৱদানৰ বাবে এই পুৰস্কাৰ প্ৰদান কৰা হয়। এই পুৰস্কাৰৰ ৰূপত এটা পদক, এখন প্রমাণ পত্র, ব্যক্তিসকলক ১ লাখ টকা আৰু সংগঠনসমূহক নগদ ৩ লাখ টকা প্ৰদান কৰা হয়। ড০ মন্দাভিয়াই এটা ভি ডি অ’ বার্তাযোগে কৈছে যে, এই পুৰস্কাৰ কেৱল অলংকৰণে নহয়, বৰং এখন প্রগতিশীল আৰু সৰ্বাত্মক ভাৰতক সুদৃঢ় কৰি তোলাত যুৱ নেতৃত্বৰ প্ৰতি সন্মানস্বৰূপ। ২০২২-২৩ বৰ্ষৰ ৰাষ্ট্ৰীয় যুৱ পুৰস্কাৰৰ বাবে আজিৰ পৰা ১৫ নবেম্বৰলৈ গৃহ পৰিক্ৰমা মন্ত্ৰ্যালয়ৰ উমৈহতীয়া পুৰস্কাৰ প’ৰ্টেলৰ যোগেদি আবেদন আহ্বান কৰা হৈছে।