শিলচৰৰ ৰাষ্ট্ৰীয় প্রযুক্তি প্রতিষ্ঠান এনআইটিত আজি ঐক্যতান ২০২৫ শীর্ষক এটা বর্ণিল সাংস্কৃতিক অনুষ্ঠানৰ আয়োজন কৰা হয়। এই অনুষ্ঠানৰ জৰিয়তে ভাৰতৰ বৈচিত্র্যময় সংস্কৃতি আৰু ঐতিহ্যক তুলি ধৰাৰ প্ৰয়াস কৰা হয়। পুৱাৰ ভাগত সাংস্কৃতিক শোভাযাত্ৰাৰ লগতে ছাত্ৰ-ছাত্ৰীসকলৰ মাজত বিভিন্ন প্ৰতিযোগিতা অনুষ্ঠিত হয়।
এই সন্দৰ্ভত প্রতিষ্ঠানটোৰ সঞ্চালক ড০ দিলিপ কুমাৰ বৈদ্যই এই অনুষ্ঠানক সামাজিক আৰু সাংস্কৃতিক ঐক্যৰ প্ৰতীক বুলি অভিহিত কৰে। পাঠ্যপুথিৰ গণ্ডিৰ বাহিৰলৈ গৈ ছাত্ৰ-ছাত্ৰীয়ে যাতে দেশৰ পৰম্পৰা, সংস্কৃতি আৰু মূল্যবোধ অনুধাৱন কৰিব পাৰে সেই লক্ষ্য আগত ৰাখি এই অনুষ্ঠানৰ আয়োজন কৰা হৈছে বুলি তেওঁ মন্তব্য কৰে।