লচ এঞ্জেলেছত সংঘটিত হিংসাত্মক পৰিস্থিতি নিয়ন্ত্ৰণৰ বাবে আমেৰিকা যুক্তৰাষ্ট্ৰৰ ৰাষ্ট্ৰপতি ডোনাল্ড ট্রাম্পে নেচনেল গাৰ্ডৰ ২০০০ জোৱান নিয়োগৰ নিৰ্দেশ দিছে। অঞ্চলটোত দ্বিতীয় দিনৰ বাবেও চৰকাৰী পক্ষ আৰু সাধাৰণ জনতাৰ মাজত সংঘর্ষ অব্যাহত আছে। উল্লেখযোগ্য যে বিগত সময়ছোৱাত লছ এঞ্জেলছত ট্রাম্প প্রশাসনে অনুপ্ৰৱেশকাৰীৰ বিৰুদ্ধে অভিযান চলাইছিল। এই সময়ছোৱাত নথিপত্রবিহীন ১১৮ জন অনুপ্রবেশকাৰীক গ্ৰেপ্তাৰ কৰা হৈছিল। ইয়াৰ পৰিপ্ৰেক্ষিততে ট্রাম্প প্ৰশাসনৰ এই অভিযানৰ বিৰুদ্ধে একাংশ লোকে প্রতিবাদী কাৰ্যসূচী ৰূপায়ণ কৰে। প্ৰতিবাদৰ সময়ছোৱাত জনতাই ইমিগ্ৰেছন এও কাষ্টমছ্ এনফোৰ্চমেণ্ট, চমুকৈ আই চি ইৰ বিষয়াৰ সৈতে আক্রমন-প্রত্যাক্রমনত লিপ্ত হয়। ৰাষ্ট্ৰপতি ডোনাল্ড ট্রাম্পে সামাজিক মাধ্যমযোগে দিয়া এটা বাৰ্তাত নেচনেল গাৰ্ডৰ জোৱানসকলে পৰিস্থিতি নিয়ন্ত্ৰণ কৰিবলৈ সক্ষম হোৱাৰ বাবে তেওঁলোকক ধন্যবাদ জ্ঞাপন কৰে। বাৰ্তাটোত তেওঁ উল্লেখ কৰে যে এনে ঘটনাক প্ৰৰোচিত কৰা আৰু এনে ঘটনাৰ সৈতে জড়িত লোকসকলক চৰকাৰে কেতিয়াও প্রশ্রয় নিদিয়ে।