অষ্ট্ৰেলিয়াৰ প্ৰধানমন্ত্ৰী এণ্টনি আলবানিজে আজি প্রধানমন্ত্ৰী নৰেন্দ্ৰ মোদীৰ সৈতে হোৱা টেলিফোনিক বাৰ্তালাপত জম্মু কাশ্মীৰত হোৱা সন্ত্ৰাসবাদী আক্ৰমণৰ ঘটনাক তীব্ৰ ভাষাৰে গৰিহণা দিয়ে। সামাজিক মাধ্যমৰ এটা পোষ্টত বৈদেশিক পৰিক্ৰমা মন্ত্রালয়ে জনাইছে যে, অষ্ট্ৰেলিয়াৰ প্ৰধানমন্ত্ৰীগৰাকীয়ে কালি সন্ত্ৰাসবাদীৰ আক্ৰমণত নিহত লোকসকলৰ প্ৰতি গভীৰ সমবেদনা জ্ঞাপন কৰাৰ লগতে এই দুখৰ সময়ত তেঁও ভাৰতৰ লোকসকলৰ সৈতে সহমর্মিতা প্রকাশ কৰিছে। প্রধানমন্ত্ৰী আলবানিজে সন্ত্ৰাসবাদৰ বিৰুদ্ধে ভাৰতৰ যুঁজখনৰ প্ৰতি পূৰ্ণ সমর্থন আছে বুলি প্ৰকাশ কৰে।