ৰাজ্যৰ খিলঞ্জীয়া-জনজাতীয় বিশ্বাস আৰু সংস্কৃতিৰ সুৰক্ষা, সংৰক্ষণ তথা প্ৰসাৰৰ উদ্দেশ্যে ৰাজ্য চৰকাৰে কেতবোৰ বিশেষ ব্যৱস্থা গ্ৰহণ কৰিছে। ইয়াৰ অংশ হিচাপে ছটা খিলঞ্জীয়া-জনজাতীয় বিশ্বাস আৰু সংস্কৃতিৰ অনুষ্ঠানৰ বাবে কাইলৈ ১০ লাখ টকাকৈ দ্বিতীয় কিস্তিৰ ধন আদায় দিয়া হ’ব। ইয়াৰ বাবে কাইলৈ গুৱাহাটী চিকিৎসা মহাবিদ্যালয় প্রেক্ষাগৃহত এটা বিশেষ অনুষ্ঠানৰ আয়োজন কৰা হৈছে।
একেটা অনুষ্ঠানতেই গুৱাহাটীৰ গড়চুকত থকা সদৌ বাথৌ মহাসভালৈ ৫ কোটি ৫০ লাখ টকা, ১৯৮ খন খিলঞ্জীয়া আৰু জনজাতীয় বিশ্বাসৰ উপাসনাস্থলীৰ বাবে ৫ লাখ টকাকৈ আৰু ৩৬ খন খিলঞ্জীয়া আৰু জনজাতীয় বিশ্বাসৰ উপাসনাস্থলীৰ বাবে দ্বিতীয় কিস্তিৰ অধীনত ৫ লাখ টকাকৈ প্ৰদান কৰা হ’ব। এই আর্থিক সাহায্য প্ৰদান অনুষ্ঠানত শিক্ষা আৰু ভৈয়াম জনজাতি পৰিক্ৰমা বিভাগৰ মন্ত্ৰী ডাঃ ৰণোজ পেগুৰ লগতে খিলঞ্জীয়া তথা জনজাতি বিশ্বাস আৰু সংস্কৃতি বিভাগৰ মন্ত্ৰী যোগেন মহন উপস্থিত থকাৰ কথা আছে।
