কেন্দ্ৰীয় চৰকাৰ কৃষকসকলৰ কল্যাণৰ বাবে প্ৰতিশ্ৰুতিবদ্ধ আৰু এই ক্ষেত্ৰত চৰকাৰে ২০১৪ চনৰ পৰাই বিভিন্ন ব্যৱস্থা গ্ৰহণ কৰি আহিছে। কৃষি আৰু কৃষক কল্যাণ বিভাগৰ ৰাজ্যমন্ত্ৰী ভাগীৰথ চৌধুৰীয়ে আজি সদনৰ বাহিৰত সাংবাদিকৰ সৈতে হোৱা কথা-বতৰাত এই কথা প্ৰকাশ কৰে। তেওঁ কয় যে চৰকাৰে প্রধানমন্ত্রী কিষাণ সন্মান নিধি ৰূপায়ণৰ জৰিয়তে শস্যৰ ন্যূনতম সমৰ্থন মূল্য বৃদ্ধি কৰিছে। পাঞ্জাব চৰকাৰে শম্ভু আৰু খানৌৰী সীমান্তৰ প্ৰতিবাদস্থলীৰ পৰা কৃষকসকলক স্থানান্তৰ কৰাৰ সন্দৰ্ভত মন্ত্ৰীগৰাকীয়ে ৰাজ্যখনৰ শাসনত থকা আম আদমী পাৰ্টী আৰু কংগ্ৰেছক কঠোৰ ভাষাৰে সমালোচনা কৰে। চৰকাৰে প্ৰতিবাদৰত কৃষকসকলক সেই ঠাইৰ পৰা আঁতৰাই পঠাইছে বুলি বিৰোধী পক্ষই কৰা দাবী মন্ত্ৰীগৰাকীয়ে অস্বীকাৰ কৰে। ইয়াৰ পূৰ্বে কংগ্ৰেছৰ সাংসদসকলে সদনত কৃষকসকলৰ ন্যায়ৰ বাবে দাবী জনাই প্ৰতিবাদ সাব্যস্ত কৰে। লোকসভাৰ বিৰোধী নেতা ৰাহুল গান্ধীয়েও এই প্রতিবাদত অংশ লয়। ইপিনে, আম আদমী পাৰ্টীৰ সাংসদ সন্দীপ পাঠকে কৃষকসকলৰ সমস্যাসমূহ কেন্দ্ৰীয় চৰকাৰেহে সমাধান কৰিব পাৰিব বুলি সাংবাদিকৰ আগত প্ৰকাশ কৰে।