ইৰান আৰু আমেৰিকা যুক্তৰাষ্ট্ৰৰ মাজৰ পাৰমাণৱিক আলোচনাৰ তৃতীয় ৰাউণ্ড কালি মাস্কতত সম্পন্ন হয়। আলোচনাত দুয়ো পক্ষই অহা সপ্তাহত আলোচনা অব্যাহত ৰাখিবলৈ সন্মতি প্ৰকাশ কৰে। ইৰানৰ পাৰমাণৱিক কাৰ্যসূচীক লৈ চলি থকা দশক দশক পুৰণি অচলাবস্থা দূৰ কৰাই এই আলোচনাৰ মূল উদ্দেশ্যে। আলোচনাৰ অন্তত ইৰাণৰ বিদেশ মন্ত্ৰী আববাছ অৰাঘচিয়ে কয়, যে এই ৰাউণ্ডৰ আলোচনা পূৰ্বৰ তুলনাত অধিক গুৰুত্বপূৰ্ণ আছিল আৰু দুয়ো পক্ষই ক্ৰমাৎ পাৰমাণৱিক বিষয়ৰ কাৰিকৰী দিশে অগ্ৰসৰ হৈছে। ইপিনে আমেৰিকা যুক্তৰাষ্ট্ৰৰ ৰাষ্ট্ৰপতি ডনাল্ড ট্রাম্পে ইৰানক পাৰমাণৱিক অস্ত্ৰ বিকশাই তোলাৰ পৰা বাৰণ কৰিব পৰা এখন নতুন চুক্তিত উপনীত হ’ব পৰা যাব বুলি আস্থা প্রকাশ কৰিছে।